بقلم: لعزيزة أسموني عضو مجموعة الشعلةڭالو المناصب خرجات٬ وأغلب الصحف عليها دوات·
حيت ميزانية ضخمة ليها ترصدات
ٳيوا ما فيها باس إلى الأطر بها فرحات
وآمال كثيـــــــــــــــــــرة عليها عقدات
الخبر من عند المسؤولين سمعوه، والتطبيق مازال ما شافوه
غير وكان كيما قالو ناس زمان
لا تامن ولاتستامن في بلاد الأمان
والدليل ياسمعين أن شي بعضين
اللي في الحقيقة كثارين
على روح الإشاعة عايشين٬ وبها مطبلين ومزمرين
وفعمق المناضلين ناشرين٬ خلاو المعطلين حايرين
ماكتعرفهم لا فارحين ولاقارحين
المهم للوسواس أمرهم مسلمين·
والسؤال اللي ملازمني وديما كيراودني:
آآآردو البال راها العدوة لحقاتني!
حيت هٓذِ أنفلونزا من نوع ثاني
دابا هذا الحل غدي يشملني ويشمل معايا خوتي وبني عمي؟
راه دم العطالة بيهم رابطني
واخة شي وحدين بالشحناء محزمين٬ وحتى شغال ما مقبلين
عليّ حاطين٬ تڭول معايا زايدين ولا الورث شاركين
ٳوا الله يسامحهوم كامليـــــــــــــــــــــــــــــــــــن
غيريكونو بقضيتهم مأمنين وبالنضال عليها مدافعين
راه فالأخير كلنا خدامين بمشيئة رب العالميــــــــن·
0 commentaires:
Enregistrer un commentaire